இதழ் - 48 இதழ் - ௪௮
நாள் : 26-03-2023 நாள் : ௨௬-0௩-௨௦௨௩
ஆத்திசூடி (ஔவை)
” சீர்மை மறவேல் ”
உரை
கொற்றவன்மு னுன்கங்கை கோத்திரத்தான் – வெற்றிபுனை
மன்னான புன்னைவன வள்ளலே யாதலினால்
எந்நாளுஞ் சீர்மைமற வேல்
புகழுக்குக் காரணமான ஒழுக்கத்தை மறவாதே.
ஆத்திசூடிவெண்பா (இராமபாரதி)
பாடல் – 46
உற்றதொடைப் புண்ணுக் குடைகீறிக் காட்டிநின்றான்கொற்றவன்மு னுன்கங்கை கோத்திரத்தான் – வெற்றிபுனை
மன்னான புன்னைவன வள்ளலே யாதலினால்
எந்நாளுஞ் சீர்மைமற வேல்
உரை விளக்கம் :
வெற்றியினைப் புனைந்திருக்கும் புன்னைவன வள்ளலே! தனக்குத் தொடையிலுற்ற புண்ணுக்கு உடையினைக் கீறி மன்னவன்முன் கங்கைகோத்திரத்தான் காட்டிநின்றான். ஆதலினால் எந்நாளும் ஒழுக்கத்தை மறவாதே.
விளக்கம் :
கொற்றவன் – வெற்றியையுடை மன்னவன். இப்பாடலில் குறிப்பிடப்படும் தொடைகீறிக் காட்டிநின்ற கங்கை கோத்திரத்தான் யாரென்று புலப்படவில்லை. இதில் குறிப்பிடப்படும் எடுத்துக்காட்டு இன்னதென்றும் புலப்படவில்லை. இலக்கைப் பதிப்பிலும் இக்கதை குறித்த குறிப்பில்லை.
No comments:
Post a Comment