இதழ் - 50 இதழ் - ௫0
ஆத்திசூடி (ஔவை)
” சூது விரும்பேல் ”
உரை
பாரே யகன்றுபட்ட பாரதம்பார் – பேராண்மை
வற்றாத புன்னைவன மாகடலே – மிக்கசெல்வம்
பெற்றலுஞ் சூதுவிரும் பேல்
எக்காரணத்திற்காகவும் சூதாடாதே.
ஆத்திசூடிவெண்பா (இராமபாரதி)
பாடல் – 48
தோராத நூற்றுவரும் தோற்றபஞ்ச பாண்டவரும்பாரே யகன்றுபட்ட பாரதம்பார் – பேராண்மை
வற்றாத புன்னைவன மாகடலே – மிக்கசெல்வம்
பெற்றலுஞ் சூதுவிரும் பேல்
உரை விளக்கம் :
பேராண்மை குன்றாத புன்னைவன மாகடலே! கௌரவர்கள் நூற்றுவரும் பாண்டவர்கள் ஐவரும் உலகியலை அகன்று பாரதப் போருக்கு வழிவகுத்தது காண். எவ்வளவு செல்வம் பெற்றாலும் சூதாட்டத்தை மட்டும் விரும்பிவிடாதே.
விளக்கம் :
நூற்றுவர் – கௌரவர்கள், திருதராட்டிரன், காந்தாரியின் மக்கள். பஞ்சபாண்டவர் – பாண்டு, குந்தி, மாத்ரியின் மக்கள் ஐவர். பேராண்மை – பேராளுமை.
தொடர்ந்து சிந்திப்போம் . . .
முனைவர் இரா. கோகுல்
உதவிப் பேராசிரியர் (தமிழ்த்துறை)
ஸ்ரீராமகிருஷ்ண மிஷன் வித்யாலய கலை அறிவியல் கல்லூரி
கோயம்புத்தூர் – 641020
No comments:
Post a Comment