நாள் : 24-12-2023 நாள் : ௨௪-௧௨-௨௦௨௩
குற்றியலுகரப் புணர்ச்சி
குற்றியலுகரப் புணர்ச்சி
- குற்றியலுகரத்தில் நிலைமொழியின் இறுதியில் உள்ள குற்றியலுகரம் வருமொழியின் முதலில் உள்ள உயிரெழுத்துடன் புணரும் போது, தான் ஏறிய மெய்யை நிறுத்தி உகரம் மறையும். பின் நிலைமொழி இறுதியில் உள்ள மெய், வருமொழி முதலெழுத்தாகிய உயிரெழுத்துடன் புணரும்.
யவ்வரின் இய்யாம் முற்றுமற் றொரோவழி”
- நன்னூல், நூ.எண். 164
சான்று
- அமுது + என்று = அமுதென்று
- அமுது(த்+உ)+என்று=அமுத்+என்று (உயிர்வரின் உக்குறள் மெய்விட்டு ஓடும் என்னும் விதிப்படி ‘உ’ நீங்கியது)
- அமுதென்று (உடல்மேல் உயிர் வந்து ஒன்றுவது இயல்பே - த் + எ = தெ)
குற்றியலிகரப் புணர்ச்சி
- நிலை மொழியின் ஈறு குற்றியலுகரமாக இருந்து, வருமொழியின் முதல் எழுத்து, யகரமாக இருந்து புணரும்போது, உகரம் இகரமாகத் திரியும்.
சான்று
- குரங்கு+யாது=குரங்(க்+உ) + யாது = குரங்கி (க்+இ) + யாது = குரங்கியாது.
முற்றியலுகரப் புணர்ச்சி
- நிலைமொழியின் இறுதியில் உள்ள முற்றியலுகரமும் குற்றியலுகரத்தைப் போலவே தான் ஏறிய மெய்யை நிறுத்தி உகரம் மறையும். பின் நிலைமொழி இறுதியில் உள்ள மெய் வருமொழி முதலெழுத்தாகிய உயிரெழுத்துடன் புணரும்.
சான்று
- வரவறிந்தான் = வரவு + அறிந்தான்
- வரவு (வ் +உ) + அறிந்தான் - 'முற்றும் அற்று ஒரோவழி ' என்னும் விதிப்படி 'உ' மறைந்தது.
- வரவ் + அறிந்தான் - 'உடல்மேல் உயிர் வந்து ஒன்றுவது இயல்பே' என்னும் விதிப்படி 'வரவறிந்தான்' எனப் புணர்ந்தது.
தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...
திருமதி. தி.செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment