பழமொழி அறிவோம்

இதழ் - 173                                                இதழ் - ௧௭௩

நாள் : 07 - 09 - 2025                            நாள் : 0௭- ௦௯ - ௨௦௨௫

பழமொழி அறிவோம்

பழமொழி – 173

' கையாளாத ஆயுதம் துருப்பிடிக்கும் '

விளக்கம்

   ஒரு பொருளை வாங்கி அதைப் பயன்படுத்தாமல் அப்படியே விட்டோமானால் அப்பொருள் துருப்பிடித்து பயன்படுத்த முடியாமல் போகும் என்பது இப்பழமொழிக்கு விளக்கமாகும்.

உண்மை விளக்கம்

   இங்கு ஒரு பொருளை எவ்வாறு பயன்படுத்தாமல் விட்டால் துருப்பிடித்துப்போகுமோ அதைப்போலவே மனிதர்களாகிய நாம் நம்மை எப்போதுமே நம்மை சுறுசுறுப்பாக வைத்துக் கொள்ள வேண்டும். அவ்வாறில்லாமல் சோம்பேறித்தனமாக இருந்தோமானால் துருப்பிடித்த ஆயுதம் போல் பயனற்று போவோம் என்பதைக் குறிக்கவே “கையாளாத ஆயுதம் துருப்பிடிக்கும்” என்ற இப்பழமொழியை நம் முன்னோர்கள் பயன்படுத்தியுள்ளனர். 

இத்தகைய கிராமத்துப் பழமொழிகளின் பொருள்திறத்தினைத் தொடர்ந்து அறிவோம்

முனைவர் தே. ராஜகுமார்

உதவிப் பேராசிரியர் (தமிழ்த்துறை)

ஸ்ரீராமகிருஷ்ண மிஷன் வித்யாலய கலை அறிவியல் கல்லூரி

கோயம்புத்தூர்-641020