நாள் : 31-12-2023 நாள் : ௩௧-௧௨-௨௦௨௩
குற்றியலுகரப் புணர்ச்சி
குற்றியலுகரப் புணர்ச்சி (நெடில் தொடர், உயிர்த்தொடர்க் குற்றியலுகரம்)
நெடில் தொடர்க் குற்றியலுகரம்
- டகரம் (ட்) ஊர்ந்து வரும் நெடில் தொடர்க் குற்றியலுகரம், வருமொழியோடு இணையும்போது, அவை ஊர்ந்து வரும் ஒற்று இரட்டித்துப் புணரும்.
சான்று
- வீடு + தோட்டம் = வீட்(ட் + உ) + தோட்டம் = வீட்டுத்தோட்டம்
- காடு + மரம் = காட் (ட் + உ) + மரம் = காட்டு மரம்
- பகடு + வாழ்க்கை = பகட்டு வாழ்க்கை
- முரடு + காளை = முரட்டுக்காளை
உயிர்த்தொடர்க் குற்றியலுகரம்
- றகரம் (ற்) ஊர்ந்து வரும் உயிர்த்தொடர்க் குற்றியலுகரம், வருமொழியோடு இணையும் போது, அவை ஊர்ந்து வரும் ஒற்று இரட்டித்துப் புணரும்.
சான்று
- சோறு + பானை = சோற்றுப்பானை
- ஆறு + நீர் = ஆற்றுநீர்
- வயிறு + பசி = வயிற்றுப்பசி
- கயிறு + வண்டி = கயிற்றுவண்டி
“நெடிலோடு உயிர்த்தொடர்க் குற்றுகரங்களுள்
டறஒற்று இரட்டும் வேற்றுமை மிகவே”
- நன்னூல் நூற்பா. எண். 183
தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...
திருமதி. தி.செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment