இலக்கணம் கற்போம்

இதழ் - 114                                                                                   இதழ் - ௧௧௪

நாள் : 30 - 06 - 2024                                                              நாள் : ௩0 - 0௬ - ௨௦௨௪

வேற்றுமைத்தொகை 

• ஒரு தொடரில் வேற்றுமை உருபுகள் (ஐ, ஆல், கு, இன், அது, கண்) ஆகியவற்றுள் ஒன்று மறைந்து வந்து பொருள் உணர்த்துவது வேற்றுமைத்தொகை எனப்படும்.

சான்று

• மதுரை சென்றார்

     இத்தொடர் மதுரைக்குச் சென்றார் என விரிந்து நின்று பொருள் தருகிறது. கொடுக்கப்பட்டுள்ள இரு சொற்களுக்கு இடையில் "கு" என்னும் வேற்றுமை உருபு தொக்கி நின்று பொருளை உணர்த்துகிறது.

• இரண்டாம் வேற்றுமைத்தொகை - ஐ
• திருவாசகம் படித்தான் - திருவாசகத்தைப் படித்தான் (ஐ)

• மூன்றாம் வேற்றுமைத்தொகை - ஆல்
• தலைவணங்கு - தலையால் வணங்கு (ஆல்)

• நான்காம் வேற்றுமைத்தொகை - கு 
• சிதம்பரம் சென்றான் - சிதம்பரத்துக்குச் சென்றான் (கு)

• ஐந்தாம் வேற்றுமைத் தொகை - இன்
• மலைவீழ் அருவி - மலையின்வீழ் அருவி (இன்)

• ஆறாம் வேற்றுமைத்தொகை – அது 
• கம்பர் பாடல் - கம்பரது பாடல் (அது)

• ஏழாம் வேற்றுமைத்தொகை - கண்
• மலைக்குகை – மலையின் கண் குகை (கண்)

       தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...

 

திருமதி. தி.செ. மகேஸ்வரி

தமிழாசிரியர்

ஸ்ரீராமகிருஷ்ண மிஷன் வித்யாலய 

சுவாமி சிவானந்தா மேல்நிலைப்பள்ளி 

கோயம்புத்தூர்-641020