இலக்கணம் கற்போம்

இதழ் - 86                                                                                                       இதழ் - ௮௬

நாள் : 17-12-2023                                                                                          நாள் : ௧௭-௧௨-௨௦௨௩

 

புணர்ச்சி

உயிர் முன் உயிர்புணர்ச்சி

• இ ஈ ஐவழி யவ்வும் 
• இ, ஈ, ஐ கார வீற்றுச் சிறப்பு விதி  நிலைமொழியின் ஈற்றில் 'இ, ஈ, ஐ' என்னும் உயிரெழுத்துகளை ஈறாக உடைய சொற்கள் நிற்கும். 
• அவற்றின் முன் வருமொழியில் 12 உயிர்களையும் முதலாவதாக உடைய சொற்கள் சேரும். அந்நிலையில் 'யகரம்' உடம்படுமெய்யாக வரும்.

சான்று

• காட்சியழகு  -    காட்சி + ய் + அழகு  (இகர ஈறு)
• தீயணைப்பான் -   தீ + ய் + அணைப்பான்  (ஈகார ஈறு)
• கலையறிவு -   கலை + ய் +அறிவு (ஐகார ஈறு)

ஏனை உயிர்வழி வவ்வும்

• இ, ஈ, ஐ தவிர பிற உயிரெழுத்துகள் நிலைமொழி ஈறாக வரும்போது அவற்றின் முன் வருமொழியில் 12 உயிர்களும் வந்து புணர்கையில் 'வகர' மெய் தோன்றும்.

சான்று

• பல + வ் + இடங்கள்  - பலவிடங்கள் (அகர ஈறு)
• நிலா + வ் + அழகு      - நிலாவழகு (ஆகார ஈறு)
• திரு + வ் + அருள்        - திருவருள் (உகர ஈறு)
• கோ + வ் + இல்          - கோவில் (ஓகார ஈறு)

ஏ முன் இவ் விருமையும்

• நிலைமொழியின் ஈற்றில் ஏ என்னும் உயிரெழுத்து நின்று, வருமொழியின் முதலில் ஏதேனும் ஓர் உயிரெழுத்து வந்தால் அவற்றிற்கு இடையே யகரம், வகரம் ஆகிய இரண்டும் உடம்படுமெய்களாக வரும்.

சான்று

• சே +  அடி - சேவடி
• சே +  அடி     - சேயடி

  தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...

 

திருமதி. தி.செ. மகேஸ்வரி

தமிழாசிரியர்

ஸ்ரீராமகிருஷ்ண மிஷன் வித்யாலய 

சுவாமி சிவானந்தா மேல்நிலைப்பள்ளி 

கோயம்புத்தூர்-641020