இதழ் - 39 இதழ் - ௩௯
நாள் : 22-01-2023 நாள் : ௨௨-0௧-௨௦௨௩
முன்னிலைப்பெயர்கள்
பேசுபவனது சொற்களை முன்னின்று கேட்பவனையும் அவனைச் சார்ந்தவர்களையும் உணர்த்தி வரும் பெயர் முன்னிலைப் பெயர் எனப்படும்.
( முன்னிருப்பவரைப் பற்றியது முன்னிலைப் பெயர் )
இதிலும் ஒருவரைக் குறிப்பது முன்னிலை ஒருமைப் பெயர் எனவும், பலரைக் குறிப்பது முன்னிலைப் பன்மைப் பெயர் எனவும் இருவகையாகக் குறிப்பிடப்படுகிறது.
சான்று
- நீ - முன்னிலை ஒருமைப் பெயர்
- நீர், நீவிர், நீங்கள் - முன்னிலைப் பன்மைப் பெயர்கள்
படர்க்கைப் பெயர்
பேசுபவர் தன்னையும் தனக்கு முன்னால் நிற்பவர்களையும் தவிர்த்து மற்றவர்களைக் குறிக்கும் சொல் படர்க்கை எனப்படும். தம்முன்னால் இல்லாத மூன்றாம் நபரைப் படர்க்கையாகக் கொள்ளவேண்டும்.
படர்க்கை ஒருமைப்பெயர்
- மனிதன்
- முருகன்
- வீடு
படர்க்கைப் பன்மைப்பெயர்
- மனிதர்
- வீடுகள்
- பசுக்கள்
தமிழ்மொழியின் இனிய இலக்கணப் பாங்கினை வரும் வாரங்களில் அறியலாம் . .
தி. செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment