இலக்கணம் கற்போம்

இதழ் - 42                                                                                           இதழ் - ௪௨

நாள் : 12-02-2023                                                                            நாள் : ௧௨-0௨-௨௦௨௩

 

 

 

எண்

 

தமிழ் இலக்கணத்தில் எண் ஒருமை, பன்மை என இருவகைப்படும்.
 

ஒருமை

• ஒன்றைக் குறிப்பது ஒருமை எனப்படும். 
• உயர்திணையில் ஆண்பாலைக் குறிக்கும் சொல்லும், பெண்பாலைக் குறிக்கும் சொல்லும், அஃறிணையில் ஒன்றன் பாலைக் குறிக்கும் சொல்லும் ஒருமைச் சொற்களாகும்.

 

சான்று

• உயர்திணை ஆண்பால் ஒருமை   -  தம்பி, கண்ணன்
• உயர்திணை பெண்பால் ஒருமை   -  தங்கை, கண்ணகி
• அஃறிணை ஒருமை               - அது, நாய்

 

பன்மை

• எண்ணிக்கையில் ஒன்றுக்கு மேற்பட்டனவற்றைக் குறிப்பது பன்மை எனப்படும். 
• உயர்திணையில் பலரைக் குறிக்கும் சொல்லும், அஃறிணையில் பலவற்றைக் குறிக்கும் சொல்லும் பன்மைச் சொற்களாகும்.

 

சான்று

• உயர்திணைப் பன்மை  - அவர்கள், மக்கள்
• அஃறிணைப் பன்மை  - அவை, நாய்கள்

தமிழ்மொழியின் இனிய இலக்கணப் பாங்கினை வரும் வாரங்களில் அறியலாம் . .

 

தி. செ. மகேஸ்வரி

தமிழாசிரியர்

ஸ்ரீராமகிருஷ்ண மிஷன் வித்யாலய 

சுவாமி சிவானந்தா மேல்நிலைப்பள்ளி 

கோயம்புத்தூர்-641020