இதழ் - 51 இதழ் - ௫௧
நாள் : 16-04-2023 நாள் : ௧௬-0௪-௨௦௨௩
வேற்றுமை உருபுகள்
ஐந்தாம் வேற்றுமை உருபுகள்
ஐந்தாம் வேற்றுமையின் உருபுகள் இல், இன் என்பவைகளாகும். இவை நீங்கல், ஒப்பு, எல்லை, ஏது ஆகிய நான்கு பொருள்களில் வரும்.
சான்று
- நீங்கல் - மலையின் வீழ் அருவி
- ஒப்பு - காக்கையின் கரிது களம்பழம்
- எல்லை - தமிழ்நாட்டின் கிழக்கு வங்கக்கடல்
- ஏது (காரணம்) - கல்வியில் பெரியவர் கம்பர்
ஆறாம் வேற்றுமை உருபுகள்
பெயரின் பொருளைக் கிழமைப் (உரிமை) பொருளாக வேற்றுமைப்படுத்துவது ஆறாம் வேற்றுமை உருபாகும். இவ்வேற்றுமை உரிமைப் பொருளில் வரும். அது, ஆது, அ என்பன ஆறாம் வேற்றுமை உருபுகள் ஆகும். இவற்றுள் அது, ஆது என்ற இரு உருபுகள் ஒருமைக்கும், அ என்ற உருபு பன்மைக்கும் வரும்.
ஆது என்னும் உருபு இக்காலத்தில் பெரிதும் வருவதில்லை. அ உருபும் வழக்கத்தில் இல்லை.
சான்று
- அது - எனது கை, நண்பனது கை (ஒருமை)
- ஆது - எனாது கை (ஒருமை)
- அ - என கைகள் (பன்மை) இது வழக்கில் இல்லை
இவ்வாறு தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்.
தி. செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment