இலக்கணம் கற்போம்

இதழ் - 156                                                                                           இதழ் - ௧௫௬

நாள் : 04 - 05 - 2025                                                                        நாள் : ௦௪ - ௦௫ - ௨௦௨௫

பொருள்கோள்

மொழிமாற்றுப் பொருள்கோள்

     ஒரு செய்யுளில் அமைந்துள்ள சொற்களை ஓர் அடிக்குள்ளே மொழிமாற்றிப் பொருள் கொள்வது  ’மொழிமாற்றுப் பொருள்கோள்’ ஆகும்.

சான்று

             “சுரையாழ அம்மி மிதப்ப – வரையனைய

              யானைக்கு நீந்து முயற்சி நிலையென்ப

              கானக நாடன் சுனை ”

கானக நாடன் சுனையில் சுரை ஆழும், அம்மி மிதக்கும், யானை நீந்தும், முயல் நிலையாக நிற்கும் எனச் சொற்கள் நகைப்பிற்கு இடமான பொருளைத் தருகின்றன. எனவே செய்யுளில் உள்ள சொற்களை

            “ சுரை மிதப்ப அம்மி அழ

              யானைக்கு நிலை முயற்சி நீத்து “

என ஓரடிக்குள் இடம் மாற்றி வைத்துப் பொருள் கொள்ள வேண்டும்.

     இவ்வாறு செய்யுளில் உள்ள சொற்களைப் பொருளுக்கேற்ற வகையில் ஓரடிக்குள் மாற்றிப் பொருள் கொள்ளும் முறைக்கு ‘மொழிமாற்றுப் பொருள்கோள்’ என்று பெயராகும்.

                 ”ஏற்ற பொருளுக்கு இயையும் மொழிகளை

                 மாற்றியோர் அடியுள் வழங்கல் மொழிமாற்றே “

                                                     - நன்னூல் 413

திருமதி. தி.செ. மகேஸ்வரி

தமிழாசிரியர்

ஸ்ரீராமகிருஷ்ண மிஷன் வித்யாலய 

சுவாமி சிவானந்தா மேல்நிலைப்பள்ளி 

கோயம்புத்தூர்- 641020