இதழ் - 48 இதழ் - ௪௮
நாள் : 26-03-2023 நாள் : ௨௬-0௩-௨௦௨௩
வேற்றுமை உருபின் வகைகள்
முதல் வேற்றுமை (அல்லது) எழுவாய் வேற்றுமை
வாக்கியத்தில் பெயர்ச்சொல் எந்த மாற்றமும் அடையாமல் இருப்பதை எழுவாய் என்கிறோம். வேற்றுமை உருபுகள் சேராமல் இவ்வாறு எழுவாய் அமையும் பெயர்ச்சொல் முதல் வேற்றுமை அல்லது எழுவாய் வேற்றுமை எனப்படும்.
சான்று
- பாரி கொடுத்தான் - வினைப்பயனிலை
- அவன் பாரி - பெயர்ப்பயனிலை
- அவன் யார்? - வினாப்பயனிலை
இரண்டாம் வேற்றுமை அல்லது செயப்படு பொருள் வேற்றுமை
ஒரு பெயர்ச்சொல்லின் பொருளை செயப்படு பொருளாக வேறுபடுத்துவது இரண்டாம் வேற்றுமை எனப்படும். இதனை செயப்படு பொருள் வேற்றுமை எனவும் வழங்குவர்.
இதன் உருபு ஐ ஆகும். இரண்டாம் வேற்றுமை உருபு ஆக்கல், அழித்தல், அடைதல், நீத்தல், ஒத்தல், உடைமை ஆகிய ஆறு வகைப் பொருள்களில் வரும்.
சான்று
- வளவன் பானை வனைந்தான் - ஆக்கல்
- வளவன் மரத்தை வெட்டினான் - அழித்தல்
- வளவன் சென்னையை அடைந்தான் - அடைதல்
- வளவன் இல்லறத்தைத் துறந்தான் - நீத்தல்
- வளவன் காளையைப் போன்றவன் - ஒத்தல்
- வளவன்செல்வத்தைஉடையவன் - உடைமை
ஆக்கல் அழித்தல் அடைதல் நீத்தல்
ஒத்தல் உடைமை ஆதி ஆகும்”
- நன்னூல். நூற்பா. எண். 296
இவ்வாறு தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்.
தி. செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment