இதழ் - 75 இதழ் - ௭௫
நாள் : 01-10-2023 நாள் : 0௧-௧0-௨௦௨௩
இடைநிலை
இடைநிலை
- பகுதிக்கும் விகுதிக்கும் இடையில் தோன்றும் உறுப்பு இடைநிலை எனப்படும்.
- பெயர்ப் பகுபதத்தில் வரும் இடைநிலையைப் பெயர் இடைநிலை என்கிறோம்.
வகைகள்
வினைப் பகுபதத்தில் வரும் இடைநிலை
- பெயர் இடைநிலை
- எதிர்மறை இடைநிலை
- ஓர் ஆக்கப்பெயர்ச் சொல்லில் பெயர்ப் பகுதியை விகுதியோடு இணைப்பதற்கு வரும் இடைநிலை பெயர் இடைநிலை ஆகும்.
- ச், ஞ், ந், த், வ் ஆகிய மெய்கள் பெயர் இடைநிலைகளாக வரும்.
சான்று
- தமிழச்சி - தமிழ் + அ + ச் + ச் + இ
- இளைஞர் - இளை + ஞ் + அர்
- ஓட்டுநர் - ஓட்டு + ந் + அர்
- ஒருத்தி - ஒரு + த் + த் + இ
- மூவர் - மூன்று + வ் + அர்
எதிர்மறை இடைநிலை
- எதிர்மறை வினைச் சொற்களில் பகுதிக்கும் விகுதிக்கும் இடையில் வந்து எதிர்மறையை உணர்த்தும் இடைநிலை எதிர்மறை இடைநிலை ஆகும்.
- ஆ என்னும் எதிர்மறை இடைநிலைக்கு அடுத்து உயிர்மெய் வரின் கெடாமல் வரும் உயிரெழுத்து வரின் தன் பொருளை நிறுவிக் கெட்டு வரும்.
- எதிர்மறை இடைநிலைகள் ஆ, அல், இல் ஆகும்.
சான்று
- ஓடாது - ஓடு + ஆ + து
- காணலன் - காண் + அல் + அன்
- எழுதிலன் - எழுது + இல் + அன்
தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...
திருமதி. தி.செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment