இலக்கணம் கற்போம்

இதழ் - 34                                                                 இதழ் - ௩௪

நாள் : 18-12-2022                                                     நாள் : ௧௮ - ௧௨ - ௨௦௨௨

 

 

 

பெயர்ச்சொல்லின் வகைகள்

 

 

பொருட்பெயர்
     ஒரு பொருளுக்குப் பெயராகி வருவது பொருட்பெயர் ஆகும்.

 

     “ பொருளடியாகப் பிறந்த பெயர்ச்சொல் ”            

                                      - நன்னூல் நூற்பா. எண். 132
வகைகள்
பொருட்பெயரை இரண்டு வகையாகப் பிரிக்கலாம்.

• உயர்திணைப்பொருட்பெயர்
• அஃறிணைப்பொருட்பெயர்

சான்று

• உயர்திணைப் பொருட்பெயர்
• கந்தன்
• குமரன்
• மலர்விழி
• தமிழழகி
• அஃறிணைப் பொருட்பெயர்
• பசு
• மயில்
• மலை
• காற்று

 

இடப்பெயர்
     இடத்தைக் குறிப்பது இடப்பெயர் ஆகும்.
சான்று

• அரண்மனை
• பள்ளி
• சென்னை

காலப்பெயர்

     காலத்தைக் காட்டுவது காலப்பெயர் ஆகும். கண்ணிமைக்கும் நொடிப்பொழுது முதல் ஊழிக்காலம்வரை உள்ள எல்லாமே காலத்தைக் குறிக்கும் பெயர்கள்தான்.

சான்று

• ஆடித்திங்கள்
• இரவு
• வெள்ளிக்கிழமை

சினைப்பெயர்

     சினை (சினை – உறுப்பு) என்பது ஒன்றின் உறுப்பைக் குறிப்பது. முழுமையான ஒன்றின் பகுதிகளைக் குறிக்கும் பெயர்கள் சினைப்பெயர்கள் ஆகும்.

சான்று

• கை
• தலை
• இலை
• பூ

பண்புப்பெயர் (அ) குணப்பெயர்

     பண்பை அல்லது குணத்தைக் காட்டுவது பண்புப்பெயர். பண்பாவது ஒருபொருள் தோன்றும் காலத்து உடன் தோன்றி அது அழியும் அளவும் நிற்பது. பண்புப்பெயர் நிறம், வடிவம், அளவு, சுவை, குணம் இவற்றின் அடிப்படையில் வரும்.

சான்று

• அன்பு
• வெண்மை
• வட்டம்
• இனிப்பு
  

 

தமிழ்மொழியின் இனிய இலக்கணப் பாங்கினை வரும் வாரங்களில் அறியலாம் . .

 

தி. செ. மகேஸ்வரி

தமிழாசிரியர்

ஸ்ரீராமகிருஷ்ண மிஷன் வித்யாலய 

சுவாமி சிவானந்தா மேல்நிலைப்பள்ளி 

கோயம்புத்தூர்-641020