இதழ் - 90 இதழ் - ௯0
நாள் : 14-01-2024 நாள் : ௧௪-0௧-௨௦௨௪
குற்றியலுகரம்
குற்றியலுகரம் - வகைகள்
இயல்பீறு, விதியீறு - புணர்ச்சி
- இயல்பீறாகவோ விதியீறாகவோ வரும் நிலைமொழியின் இறுதியில் நிற்கும் உயிரெழுத்துடன் க, ச, த, ப என்னும் வல்லின மெய்களை முதலில் கொண்ட வருமொழிச்சொல் சேரும்போது அவற்றிடையே வல்லொற்று மிகுந்து புணரும்.
சான்று
- குரங்கு + பெரிது = குரங்கு பெரிது
- தெள்கு + சிறிது = தெள்கு சிறிது
- நாகு + கடிது = நாகு கடிது
விதியினும்
- விதியீறு என்பது புணர்ந்தபின் நிற்கும் சொல்லின் வடிவம்
சான்று
- நிலம் + தலைவர் (நிலைமொழி ஈற்று மெய் “ம்” கெடல்)
- நில + தலைவர் = நிலத்தலைவர் (விதியீறு)
- கானம் + பறவை (நிலைமொழி ஈற்று மெய் “ம்” கெடல்)
- கான + பறவை கானப்பறவை (விதியீறு)
இதில் நிலைமொழி இறுதி மகர ஒற்றாகும். அது வருமொழியோடு புணரும் பொழுது “மவ்வீ றொற்றழிந்து” என்னும் விதியினால் மகரமெய் அழிந்து, நில + தலைவர், கான + பறவை என்பதில் நிலைமொழி உயிரீறாக மாறுகின்றது. இதுபோல் இயல்பாகவும், விதியினாலும், உயிரீறாக நிற்கும் சொல்முன் க, ச, த, ப எழுத்தை முதலாக உடைய சொற்கள் வந்து புணரின் அவ்வல்லெழுத்து மிக்குப் புணரும்.
“ இயல்பினும் விதியினும் நின்ற உயிர்முன்
க ச த ப மிகும்; விதவாதன மன்னே. ”
- நன்னூல், நூற்பா. எண். 165
தமிழ்மொழியின் இனிய இலக்கணப் பாங்கினை வரும் வாரங்களில் மேலும் அறியலாம்...
திருமதி. தி.செ. மகேஸ்வரி
தமிழாசிரியர்
ஸ்ரீராமகிருஷ்ண மிஷன் வித்யாலய
சுவாமி சிவானந்தா மேல்நிலைப்பள்ளி
கோயம்புத்தூர்-641020
No comments:
Post a Comment